Հնարավոր է` Սիլվիո Բեռլուսկոնիի ղեկավարած «Ազատության ժողովուրդ» կուսակցությունը հրաժարվի աջակցել գործող վարչապետին: Այս մասին հայտարարել է Բեռլուսկոնին:
«Հաջորդ մի քանի օրերի ընթացքում ես և իմ կուսակցության ղեկավարությունը պետք է լուծենք կառավարության քաղաքականութայնն անվստահություն հայտնելու հարցը: Մեզ անհրաժեշտ է գնահատական տալ նրան, քանի որ, ըստ էության, նա երկիրը հետընթացի է տանում»,- հայտարարել է Բեռլուսկոնին:
Քաղաքագետները քիչ հավանական են համարում այդ տարբերակը` հաշվի առնելով, որ Բեռլուսկոնիի դատից հետո, հնարավոր է, «Ազատության ժողովուրդ»-ը կորցնի ժողովրդի վստահությունը:
Բեռլուսկոնիի հայտարարությունից հետո իտալական մամուլն իրավիճակն անվանել է նախկին և ներկա վարչապետների կռիվ:
Հիշեցնենք` նախօրեին Միլանի դատարանը Բեռլուսկոնիին դատապարտել էր 4 տարվա ազատազրկման` հարկերից խուսափելու համար: Համաներման օրենքի կիրրառմամբ պատժաչափը կրճատվել է մինչև 1 տարի:
Բեռլուսկոնիին նաև մեղադրում են մարոկկացի անչափահաս մարմնավաճառի ծառայություններից օգտվելու և 2010-ին նրան ապօրինաբար ոստիկանությունից ազատելու համար: Նախկին վարչեպետին մեղավոր ճանաչվելու դեպքում սպառնում է մինչև 15 տարվա ազատազրկում:
