Սլովակիայի անվտանգության ծառայության գործակալները կանխել են ահաբեկչական հարձակումների երկու փորձ հոկեյի աշխարհի առաջնության ընթացքում, որը տեղի է ունեցել 2011 թ. Բրատիսլավայում և Կոշիցեում: Այս մասին հաղորդել է տեղական STV հեռուսաալիքը:
Անվտանգության ծառայությունը հաստատել է այս տեղեկությունը, սակայն հրաժարվել է մեկնաբանել: Ինչպես նշվում է հաղորդագրության մեջ՝ անվտանգության ապահովման համար գործակալները սերտորեն համագործակցել են մրցաշարի կազմակերպիչների հետ:
Ինչպես նշել են փորձագետները՝ հատուկ ծառայությունների աշխատակիցները գործի են անցնում այն ժամանակ, երբ ոստիկանությունը չի հասցնում գործել, իսկ մարդկանց կամ մասնավոր սեփականությանը վտանգ է սպառնում: Աշխարհի առաջնության ընթացքում նման միջադեպերի մասին չեն հայտնել:
