ԱՄՆ Կենտրոնական հրամանատարությունը (CENTCOM) Մերձավոր Արևելք է ուղարկում կործանիչ-ռմբակոծիչներ: Սան Դիեգոյի թերթերը հաղորդում են, որ ծովահետևակային կորպուսի F-18 կործանիչ-ռմբակոծիչների առնվազն մեկ ավիաջոկատ է ուղարկվել «մերձավորարևելյան երկիր, որի անունը չի հաղորդվում»: Այս մասին փոխանցում է Mignews-ը:
Ծովահետևակային կորպուսի հրամանատարությունը հրաժարվել է մեկնաբանել այս տեղեկությունը: Լրագրողները վստահ են, որ խոսքը Իրանի միջուկային օբյեկտների դեմ հարձակման հարվածային խմբի ստեղծման մասին է:
Մամուլում նշվում է նաև վերջերս ԱՄՆ պաշտպանության փոխնախարար Էշթոն Քարթների այցը Քուվեյթի Ահմեդ ալ-Ջաբեր բազա: Այցի ընթացքում Քարթերն ասել էր. «Իրանի հարցը շատ լուրջ է: Բոլոր խնդիրները, որոնք դուք հիմա տեսնում եք, «Արաբական գարնանից» չեն սկսվել, այլ դրա շնորհիվ տեսանելի են դարձել»:
