Շվեյցարական խոշորագույն բանկերից մեկը՝ UBS-ը, կարող է վերակառուցում անցկացնել՝ ընդհանուր կառուցվածքից հանելով ներդրումային բանկը: Ինչպես հաղորդում է France 24 հեռուստաալիքը՝ վկայակոչելով բրիտանական ԶԼՄ-ները, այդպիսի որոշման հետևանքը կլինի 10 հազար աշխատակիցների կրճատումը:
Դա թույլ կտա UBS-ին վերականգնել ոչ պրոֆիլային եկամուտների ծավալը և ստեղծել ծավալով ավելի փոքր ներդրումային բանկ, որը կզբաղվի արժեթղթերի վաճառքով, արժույթի փոխանակմամբ և հաճախորդների հետ աշխատանքով:
Ամենայն հավանականությամբ կկրճատվեն այն աշխատակիցները, որոնք ներգրավված են բեք-օֆիսի կառույցներում (օպերացիոն-ուսումնական ստորաբաժանումներում) և տեղեկատվական տեխնոլոգիայի բաժիններում:
Շվեյցարական UBS բանկը հիմնվել է ավելի քան 100 տարի առաջ, սակայն իր ներկա տեսքով ձևավորվել է 1998թ. Union Bank of Switzerland-ի և Swiss Bank Corporation-ի միավորման արդյունքում: Բանկի աշխատակիցների թիվը հասնում է 63,500-ի: UBS-ի մաքուր եկամուտը 2012թ. առաջին կեսի արդյունքում կրճատվել է 2.2 անգամ՝ կազմելով 1,252 մլրդ շվեյցարական ֆրանկ (1.04 մլրդ եվրո):
