Բարաք Օբաման պատմության մեջ առաջին անգամ նախագահական ընտրությունների իր քարոզարշավի համար հավաքել է մեկ միլիարդ դոլար: ABC հեռուստաալիքը տեղեկացրել է, որ Միթ Ռոմնին հավաքել է 950 միլիոն դոլար:
«Այս թվերը ցույց են տալիս, որ ԱՄՆ-ի նոյեմբերի վեցին կայանալիք ընտրությունները կդառնան ամենաթանկարժեքը ԱՄՆ-ի պատմության մեջ»,- ասել են փորձագետները:
Բարաք Օբամայի նախընտրական քարոզարշավի գումարը սկսել էին հավաքել դեռ 2011 թվականից:
Միայն այս ամիս նրա նախընտրական շտաբն ընդունել է 90,5 միլիոն դոլար: Այս թիվը նախնական է և մինչև նոյեմբերի սկիզբը զգալիորեն կավելանա:
Քաղաքագետների կարծիքով՝ Բարաք Օբամայի և Միթ Ռոմնիի նախընտրական ծախսերը կանցնեն երկու միլիարդ դոլարից: Սպիտակ տան գործող ղեկավարը մշտապես քննադատում է «մեծ փողերի» դերը քաղաքականության մեջ:
