ԱՄՆ-ին արտահանձնված Քրիստոֆեր Տապինն այսօր խոստովանել է իր մեղքը Իրանին հրթիռներ ստեղծելու համար դետալներ վաճառելու փորձի մեջ: Այժմ հավանականություն կա, որ Բրիտանիայի հպատակը կարող է վերադառնալ հայրենիք՝ պատիժը կրելու:
Ինչպես հաղորդում է Assiciated Press-ը, Տապինի կինը՝ Իլեյնը, Քրիստոֆերի և ԱՄՆ դատախազության միջև դատական գործարքն անվանել է առաջին քայլ՝ նրան «շուտափույթ և անվտանգ Միացյալ Թագավորություն վերադարձնելու համար»: «Չնայած ես ցավում եմ (որ նա ընդունել է մեղքը.- 1in.am), այնուամենայնիվ սա սկզբն է այն գործընթացի, որին մեր ամբողջ ընտանիքն անհամբերությամբ սպասում էր արտահանձնման պահից»,- ասել է նա:
Բրիտանացու դեմ դատավարությունը պետք է սկսվեր 4 օրից` Տեխաս նահանգում: Չի հաղորդվում, թե արդյոք դատական գործարքից հետո որևէ լսում տեղի՞ է ունեցել: Ավելի վաղ մեղքն ընդունելու դեպքում Տապինին սպասվում էր 35 տարվա ազատազրկում, սակայն այժմ ենթադրվում է, որ նրա նկատմամբ ավելի մեղմ դատավճիռ կկայացվի:
Հյուսիսային Լոնդոնի բնակիչ Քրիստոֆեր Տապինը այս տարվա փետրվարին արտահանձնվել էր ԱՄՆ-ին, որտեղ մեղադրվում էր Իրանին հրթիռային համակարգերի 50 մարտկոց վաճառելու մեջ: Այնուհետև ԱՄՆ դատարանը գրավի դիմաց նրան ազատ արձակեց:
Ավելի վաղ բրիտանացին պնդում էր, որ ինքը ԱՄՆ հատուկ ծառայությունների սադրանքի զոհն է դարձել: