Forbes գործարար ամսագիրն ընտրել է 10 ամենասկանդալային պատմությունները՝ կապված ֆինանսական զեղծարարությունների ու խարդախությունների հետ, որոնք տեղի են ունեցել վերջին երկու տասնամյակում ամբողջ աշխարհում՝ ԱՄՆ-ից մինչ Սինագապուր ու Ճապոնիա:
Վերջին տասնամյակի ամենահայտնի ու խոշոր ֆինանսական բուրգը դարձել է 1960թ. հիմնադրված Madoff Investment Securities ընկերությունը:
Օգտվելով ներդրողների վստահությունից՝ ընկերությունը փլուզվեց 2008թ. ֆինանսական ճգնաժամի ժամանակ: Տուժեցին մի քանի միլիոն մասնավոր ու խոշոր ֆինանսական կազմակերպություններ, իսկ Madoff Investment Securities-ում 1,5 մլրդ դոլարի ներդրում կատարած մեկ մարդ ինքնասպան եղավ բուրգի փլուզման լուրը լսելուն պես:
Մի քանի տասնամյակ գոյություն ունեցող Enron էներգետիկ ընկերության կրախը ամերիկյան տնտեսության համար դարձավ ոչ պակաս անակնկալ, քան Մեդոֆի հիմնադրամի հետ կապված պատմությունը: Այն կրեց 40 մլրդ դոլարի կորուստ՝ 47,3 մլրդ դոլար ակտիվների պայմաններում:
Բազմամիլիարդանոց վնաս ու ԱՄՆ-ում հեռահաղորդակցության՝ մեծությամբ երկրորդ ընկերության՝ WorldCom-ի ոչնչացում. այսպիսին էր Սալիվանի ու Էբերսի գործունեության արդյունքը երկրի ղեկավարի պաշտոնում:
Stanford Financial Group-ի հիմնադիր Ռոբերտ Սթենֆորդը կալանավորվել էր 2009թ. ամռանն իր ընկերության 21 նեդրողների հայցի հիման վրա: Ստուգումների արդյունքում հայտնաբերվեց ֆինանսական ահռելի բուրգ:
Ինչպես Madoff Investment Securities-ի դեպքում էր, ընկերության կրախի պատճառը 2008թ. ճգնաժամն էր, հին ներդրողներին նորերի հաշվին վճարել չկարողանալը:
Societe Generale բանկի թրեյդեր Ժերոմ Կերվելը չարտոնված առևտրի ընթացքում իր գործատուին կարողացավ հասցնել զգալի վնաս:
Ամսագրի վարկանշային աղյուսակում ևս մեկ ֆինանսական խոշոր բուրգ՝ 2000թ. հիմնադրված L&G ընկերությունը Կազուցուգի Նամիի ղեկավարությամբ աշխատում էր 7 տարի, սակայն այդ ժամանակ կարողացավ ներգրավել 128,5 մլրդ իեն:
UBS շվեյցարկան բանկի թրեյդեր Քվեկ Աբդոլիին խարդախության մեղադրանք առաջադրվեց 2011թ սեպեմբերին բրիտանական ոստիկանության կողմից:
Նրան առաջադրվեց լիազորությունները չարաշահելու մեղադրանք: Նրա գործը ջրի երկու կաթիլի պես նման է Ժերոմ Կերվելի գործին:
Ֆինանսական մյուս խարդախությունը վերաբերում է Rite Aid դեղատնային ցանցին (ԱՄՆ-ում մեծությամբ երրորդը), որի գործադիր տնօրեն Մարտին Գրասը ընկերության մի քանի թոփ մենեջերների հետ փոխում էր ընկերության վարկային պարտքայնությունը:
Դենիս Կոզլովսկու ու նրա օգնական Մարկ Շվարցի ղեկավարությամբ Բերմուդներում գրանցված Tyco Industrial ընկերությունը ռեկորդակիր է կլանումների գործարքների թվով. շուրջ 1000 ընկերություն էր ընդգրկվել միջազգային կոնգլոմերատի կազմում:
Պարզվել էր, որ Tyco-ի ոչ բոլոր շահույթներն են ուղղվել բիզնեսի ընդլայնմանը՝ գրերթե 600 մլն դոլար է իր վրա ծախսել Կոզլովսկին Շվարցի օգնությամբ:
Վարկանշային աղյուսակը եզրափակում է Նիկ Լիսոնը, որին կարելի է համարել Կերվելի ու Ադոբոլի նախակարապետը. 1995թ. բրիտանական Barings բանկի սինգապուրյան բաժանմունքի թրեյդերը ինքնակամ զբաղվելով ֆինանսական օպերացիաներով՝ բանկը հասցրեց սնանկացման:
