Պաղեստինի ինքնավարության ղեկավար Մահմուդ Աբասը Ռամալլահում հանդիպել է Եվրամիության արտաքին քաղաքականության և անվտանգության հարցերով գերագույն հանձնակատար Քեթրին Էշթոնի հետ և հայտնել նրան, որ իրենք պատրաստվում են խնդրանքով դիմել ՄԱԿ՝ պաղեստինցիներին «ՄԱԿ-ի կազմի մեջ չմտնող պետության» կարգավիճակ տալու խնդրանքով:
Տեղի Wafa գործակալության փոխանցմամբ՝ Աբասն ասել է, որ պաղեստինյան կողմը պատրաստ է վերադառնալ Իսրայելի հետ բանակցությունների սեղանի շուրջ, սական միայն այն բանից հետո, երբ հայց կներկայացնի ՄԱԿ:
Քեթրին Էշթոնն իր հերթիին ասել է, որ ԵՄ-ը նախկինի պես անհրաժեշտ է համարում լուծել պաղեստինա-իսրայելական հակամարտությունը՝ երկու պետություն երկու ժողովուրդների համար սկզբունքի հիման վրա:
Պաղեստինի բարձրաստիճան պաշտոնյա Հանան Աշրաուին իր կողմից Էշթոնին հայտնել է, որ պաղեստինցիները պատրաստվում են բարձրացնել իրենց կարգավիճակը ՄԱԿ-ում՝ խաղաղ գործընթացի փրկության և «Իսրայելի օկուպացիան» դադարեցնելու նպատակով:
Հանան Աշրաուին ԵՄ-ին և մյուս երկրներին կոչ է արել օգնել պաղեստինցիներին «Իսրայելի միակողմանի քայլերի և միջազգային իրավունքի նորմերի խախտումների դեմ» պայքարելու համար:
