Հնդկաստանը գաղտնիքների, հրաշքների և հոգևոր լուսավորման երկիր է: Այստեղ աստվածներն ունեն 4 ձեռք, իսկ կամուրջներն էլ կարող են իրենք իրենց «աճել»:
Հնդկաստանից հյուսիս-արևելք գտնվող Չերապունջի քաղաքը 1300 մ բարձրություն ունի և համարվում է Երկրագնդի ամենաանձրևային վայրը: Այստեղ կամուրջներ «աճեցնելու» համար օգտագործում են կաուչուկատու ֆիկուս:
«Շինարարության» գործընթացը տևում է 10-15 տարի: Կենդանի կամուրջները կարող են հասնել 30 մետր երկարության և պահել ավել քան 50 մարդու: Կար մի ժամանակ, երբ դեպի Հնդկաստան հատուկ տուրեր էին կազմակերպվում, որպեսզի եվրոպացիները կարողանային ըստ արժանվույն գնահատել բնության հրաշքը:
Կամուրջներն աճեցնում են դրանց համար հատուկ վայրերում: Որպեսզի ֆիկուսի արմատներն աճեն ճիշտ ուղղությամբ Չերապունջիի բնակիչներն օգտագործում են հատուկ հիմնակմախքներ (կարկասներ): Կամրջի կառուցումը մշտական ուշադրության կարիք ունի:
