Ադրբեջանական Turan լրատվական գործակալությանը տված հարցազրույցի ժամանակ Ադրբեջանում ԱՄՆ դեսպան Ռիչարդ Մորնինգսթարն անդրադարձել է 2013 թվականին Ադրբեջանում կայանալիք նախագահական ընտրություններին, որոնցում երրորդ անգամ առաջադրվելու է ներկայիս նախագահ Իլհամ Ալիևի թեկնածությունը.
«Գլխավոր հարցն այն չէ՝ արդյոք Իլհամ Ալիևը կառաջադրվի՞ երրորդ անգամ, թե՞ ոչ: Գլխավոր հարցը ընտրությունների ժողովրդավարական անցկացման աստիճանն է: Մենք նաև գիտակցում ենք, որ ժողովրդավարությունը չի սահմանափակվում միայն ընտրությունների օրով:
Ժողովրդավարությունը ենթադրում է ազատ ու ակտիվ քաղաքացիական համայնք, բաց և թափանցիկ ինստիտուտներ: Անհնար է արդար ընտրությունները պատկերացնել առանց ԶԼՄ-ների ու խոսքի ազատության: Մենք հասկանում ենք, որ ազատ ընտրությունների ապահովումը կարելի է այդ բոլոր պայմանների պահպանման դեպքում, և բացահայտորեն այդ մասին ասում ենք կառավարությանը:
Մենք ցանկանում ենք հավատալ, որ կիրականան իշխանությունների այն հավաստիացումները, թե իրենք հավատարիմ են ժողովրդավարությանն ու բազմակարծությանը»:
Հիշեցնենք, որ Ադրբեջանում նախագահական ընտրությունները տեղի են ունենալու 2013 թվականի հոկտեմբերի 27-ին:
