Արևելյան Եվրոպայում «Դրուժբա» նավթատարի գծերը շարքից դուրս են եկել, քանի որ ռուսական նավթի մեջ ռետինե առարկաներ են ընկել՝ մանկական ծծակ և պահպանակ: Այս մասին հաղորդում է «Վեդոմոստի» թերթը՝ վկայակոչելով իրավիճակին ծանոթ աղբյուրներին:
Պարբերականի տվյալներով՝ օպերատորները նկատել են, որ հաշվիչները սկսել են ավելի շատ նավթ ցույց տալ, քան կարող էր անցնել համակարգով: Այն բանից հետո, երբ աշխատանքը դադարեցվել է, համակարգում հայտնաբերվել են պահպանականեր և ծծակներ: Դրանք սկզբում խաթարել են նավթատարի սլովակյան, իսկ հետո հունգարական օպերատորի աշխատանքները:
Դեպքը տեղի է ունեցել հոկտեմբերի 7-ին և 8-ին, սակայն այդ մասին հայտնի է դարձել միայն այսօր: Անհրաժեշտ վերականգնողական աշխատանքներն արագ ավարտվել են և չեն ազդել օպերացիոն ցուցիչների վրա:
«Տրանսնեֆտի» ներկայացուցիչ Իգոր Դեմինն ասել է, որ Ռուսասատանի, Ուկրաինայի և Բելառուսի տարածքում աշխատանքի խաթարումներ չեն գրանցվել: Նրա խոսքերով՝ ռետինե առարկաները նավթի մեջ, ամենայն հավանականությամբ, դիտմամբ են գցել: Նա պարզաբանել է, որ երբ Դաղստանում նավթ են գողանում, ընդհանուր հոսքի մեջ ջուր են մղում:
Նրա խոսքերով՝ Հունգարիան և Սլովակիան այս պահին հրաժարավում են Ուկրաինայից նավթի ընդունման արձանագրություն ստորագրել, քանի որ հաշվիչների փչանալու պատճառով հնարավոր չէ հետևել՝ որքան ածխաջրածին է մատակարարվել:
«Դրուժբա»-ն աշխարհի խոշորագույն նավթաարն է, այն կառուցվել է դեռ 1960 թ.:
