Վրաստանին ցամաքային սպառնալիքների դիմակայման համար պետք է փոքր, կայուն բանակ,- հայտարարել է Վրաստանի պաշտպանության նախարարի թեկնածու Իրակլի Ալասանիան: Մասնավորապես, նրա խոսքով՝ երկիրը պետք է հրաժարվի ռազմաօդային ուժերի և ռազմական նավատորմի ստեղծումից: Այս մասին հայտնում է Грузия Online-ը:
Պաշտպանության նախարարությունում բարեփոխումները կսկսեն նոր ռազմական դոկտրիանայի մշակումից և ընդունումից, որը հիմնված կլինի զսպողական սկզբունքի վրա:
«Մենք մտադիր չեն իրականացնել հարձակվողական օպերացիաներ: Մեր քաղաքականությունն այն է, որ հակամարտությունների կարգավորումը չպետք է կատարվի զինված ուժերի օգնությամբ: Մեզ անհրաժեշտ է մոբիլ բանակ, որը համարժեք պատասխան կտա մարտահրավերներին»,- լրագրողներին ասել է Ալասանիան:
Նա ընդգծել է, որ վրաց զինվորականները կշարունակեն մասնակցությունը Աֆղանստանում ՆԱՏՕ-ի խաղաղապահական օպերացիայում, քանի որ նրանք ստանում են անհրաժեշտ ռազմական փորձ և մասնագիտական հմտություններ:
ՊՆ թեկնածուն ընդգծել է, որ իր գերատեսչությունը լիովին կապաքաղաքականացվի, և շատ բարձրաստիճան փորձառու զինվորականներ, որոնք վերջին տարիներին հեռացվել են գործող կուսակցության հանդեպ նվիրվածության բացակայության պատճառով, կվերադառնան ծառայության:
Իրակլի Ալասանիան հաղորդել է, որ կփոխի Միացյալ շտաբի ղեկավարին, որին օրերս նշանակել էր նախագահ Միխեիլ Սաակաշվիլին:
