Սիրիայի հակամարտության կողմերից մեկին ռազմական օգնության տրամադրումը կհանգեցնի նոր զոհերի: Այս մասին հայտարարել է ՄԱԿ-ի նախկին գլխավոր քարտուղար Քոֆի Անանը:
«Որոշ պետություններ կարծել են, որ Սիրիայում հակամարտությունը դադարեցնելու ամենաարագ միջոցը կողմերից մեկին զինելն է»,- ասել է դիվանագետը, որի խոսքերը մեջբերում է Rosbalt գործակալությունը:
Նրա խոսքերով՝ նման դեպքում ոչ ոք հաղթանակի չի հասնի, միայն ավելի շատ թվով մարդիկ կզոհվեն, և «արդյունքում անհրաժեշտ կլինի փնտրել քաղաքական լուծում»:
Անանը, որը մինչև այս տարվա օգոստոսը զբաղեցնում էր ՄԱԿ-ի և Արաբական պետությունների լիգայի՝ Սիրիայի հարցերով հատուկ բանագնացի պաշտոնը, հիշեցրել է, որ հունիսի 30-ին Ժնևում Սիրիայի «Բարեկամների խմբի» հանդիպմանը համաձայնություն էր կնքվել առ այն, որ Սիրիայի ճգնաժամի լուծում «կարող է դառնալ քաղաքական կարգավորումը և քաղաքական անցումը»:
Նախկին գլխավոր քարտուղարի խոսքերով՝ Ժնևի համաձայություն «էությունը կորել է», և այժմ անհրաժեշտ է վերադառնալ դրան:
