Կյանքի 61-րդ տարում վախճանվել է հոլանդացի դերասանուհի Սիլվիա Կրիստելը: Այս մասին հայտնում է Agence France-Presse-ը:
Վերջին տարիներին դերասանուհին լուրջ խնդիրներ է ունեցել առողջության հետ: Նրա մոտ ախտորոշվել էր կոկորդի և լյարդի քաղցկեղ: Կրիստելը բուժման կուրս է անցել, սակայն դրա ավարտից մի քանի շաբաթ անց նա ուղեղի կաթված է ստացել: 2012-ի հուլիսին հայտնի է դարձել, որ դերասանուհին կրկին հոսպիտալացվել է:
Ըստ տեղեկությունների՝ Կրիստելը մահացել է այս գիշեր` քնի մեջ:
Կրիստելը հայտնի է առաջին հերթին որպես 1974 թվականին էկրան բարձրացած ֆրանսիական «Էմանուել» էրոտիկ ֆիլմի գլխավոր դերակատար: Ավելի ուշ նա նկարահանվել է այդ ֆիլմի մի քանի շարունակական մասերում, ինչպես նաև «5-րդ հրացանակիրը», «Մասնավոր դասեր» և այլ ֆիլմերում:
