Պորտուգալիայի իշխանությունները պետական պարտքը նվազեցնելու տնտեսական քաղաքականության շրջանակներում ներկայացրել է 2013 թ. բյուջեի նախագիծ, ինչը բողոքի ակցիաների տեղիք է տվել Լիսաբոնում խորհրդարանի շենքի դիմաց:
Բյուջեի նախագիծը ներառում է կոշտ տնտեսական միջոցառումներ սահմանել, մասնավորապես՝ ավելացնել եկամտահարկը, որն այժմ կտատանվի 14.5-48%-ի սահմաններում, պետական ծառայողների համար թոշակային տարիքը բարձրացնել մինչև 65 տարեկան և այլն: Այդ միջոցառումների սահմանումն արդեն ցույցերի ալիք բարձրացրել է սեպտեմբերին: Ակնկալվում է, որ խորհրդարանը բյուջեի նախագծի քննարկումը կսկսի հոկտեմբերի վերջին, իսկ քվեարկությունը տեղի կունենա նոյեմբերին:
Բյուջեի նախագծի մասին հայտարարությունից անմիջապես հետո Facebook սոցցանցում կոչեր են հնչել ամեն օր երեկոյան դուրս գալ ցույցերի խորհրդարանի շենքի մոտ: Առաջին այդպիսի ակցիան տեղի է ունեցել երկուշաբթի լույս երեքշաբթի գիշերը: Ակցիայի մի քանի հարյուր մասնակիցները խորհրդարանի շենքի դիմաց խարույկ են վառել և բացականչել հակակառավարական կարգախոսներ:
