«Կալիֆոռնիա կուրիեր» թերթի գլխավոր խմբագիր Հարութ Սասունյանն իր վերջին երևանյան ասուլիսում հայտարարել էր, որ Հայաստանի արտաքին քաղաքականությունն առանձնակի նվաճումներ կամ ձախողումներ չի գրանցել, և Հայաստանն արդյունավետ չի օգտագործում իր կարողությունները: «168 ժամ»-ի թղթակցի հարցին, թե կոնկրետ ո՞ր գերակայությունը նա նկատի ունի` Ցեղասպանությա՞ն հարցը, դարաբաղյան հիմնախնդի՞րը, թե՞ սիրիական հարցը, Հ.Սասունյանը պատասխանել է.
«Միայն Ցեղասպանության կամ Ղարաբաղի հարցը չէ: Բոլոր հարցերով մեր պետությունը պետք է ավելի խիզախ կեցվածք ցույց տա, ոչ թե ամբարտավան կեցվածք, վտանգավոր քայլեր անի, ոչ: Համապատասխան իր տկար չափսին` Հայաստանը տկար է, բայց մենք տկարից էլ տկար ենք վարվում՝ ավելի նվազ, քան մենք կարող ենք: Սա վերաբերում է բոլոր հարցերին, ես չեմ առանձնացնում ոչ մի հարց, լինի Սաֆարովի դեպքը թե Ցեղասպանությունը, բոլոր հարցերին իմ պատասխանը նույնն է»:
