Այսօր ԱԺ ՕԵԿ-ական պատգամավոր Արծրուն Աղաջանյանը մեզ հետ զրույցում հաստատեց, որ ԱԺ պատգամավորի լիազորությունները վայր է դնում։
Մեր այն հարցին, թե ինչո՞վ է պայմանավորված այդ որոշումը` պատասխանեց. «Պատրաստվում եմ նոր աշխատանքով զբաղվել։ Սակայն երբ կլրանա ժամկետը, այսինքն` 15 օրից պարզ կլինի, թե ինչով կզբաղվեմ։ Ինչպես գիտեք, ԱԺ պատգամավորը իրավունք ունի միայն մանկավարժական գործունեությամբ զբաղվել ԱԺ պատգամավորի լիազորությունների հետ համատեղ։ Իսկ թե ինչ աշխատանք է, շուտով կիմանաք»,- նշեց Արծրուն Աղաջանյանը և ավելացրեց, որ ՕԵԿ-ից չի պատրաստվում դուրս գալ, քանի որ այդ կուսակցության հիմնադիր անդամներից մեկն է։
Մեր աղբյուրների փոխանցմամբ, նա նշանակվելու է Արթուր Բաղդասարյանին պատկանող` «Հայասի» գինու և կոնյակի գործարանի տնօրեն։
