Ամերիկյան Սենատը հաստատել է 2011 թ. երկրի պաշտպանական բյուջեն: Ըստ այդ փաստաթղթի` պաշտպանական ծախսերը մինչև այս ֆինանսական տարվա վերջը` 2011 թ. սեպտեմբերի 30-ը, կկազմեն 672 մլրդ դոլար:
Աֆղանստանի և Իրաքի գործողություններին այդ գումարից կհատկացվի 158 մլրդ դոլար: Արդիականացման և նոր տեսակի սպառազինությունների ստեղծման համար Սենատը 26 մլրդ դոլարով պակաս գումար է հատկացրել, քան խնդրել էր կառավարությունը: Այս մասին գրում է Defence News-ը:
«Կրճատման տակ են» ընկել մի շարք ծրագրեր, այդ թվում՝ կործանիչների համար նախատեսված նոր շարժիչների գործարկումը, արտասահմանում իրականացվող ռազմական գործողությունները և այլն: