Facebook-ի օգտատերերի օգտահաշիվների շուրջ 9%-ը կեղծ է կամ չի համապատասխանում օգտատիրական համաձայնության կանոններին: Այս մասին ԱՄՆ բորսաների ու արժեթղթերի հանձնաժողովին հայտնի է դարձել սոցցանցի տրամադրած հաշվետվությունից, հաղորդում է CNET News-ը:
Հաշվետվությունում նաև ասվում է, որ Facebook-ի լսարանը հունիսի դրությամբ կազմում է 995 մլն մարդ: Սակայն օգտատերերի շուրջ 4,5%-ն արդեն իսկ գրանցված է սոցցանցում: Մինչդեռ Facebook-ում արգելվում է երկուսից ավելի օգտահաշիվ ունենալ: Այս մասին նշված է համաձայնագրում, որն ընդունում է օգտահաշվի տերը սոցցանցում գրանցվելուց առաջ:
Բացի կրկնակի օգտահաշիվներից՝ Facebook-ը փորձում է խոչընդոտել երկու տեսակի «արգելված էջերի» ստեղծմանը, որոնք ամսական կազմում են 2,4 տոկոս: Օգտահաշիվների մեկ այլ տեսակ է այն, երբ հաշվի տերը զբաղվում է, օրինակ, խարդախությամբ կամ սպամների տարածմամբ: Այդպիսի էջերը սոցցանցում վերլուծաբանների հաշվարկով կազմում են 1,5%:
2012թ. մարտի հաշվետվության մեջ նշված էր, որ կեղծ օգտահաշիվների առկայությունը չի գերազանցում 6 տոկոսը:
Այս տարի Facebook-ի օգտատերերի թիվն աճել է 29%-ով:
