Իսրայելի իշխանությունները Ռուսաստանի ղեկավարությանը հայտնել են, որ Իրանը կարող է С-300 զենիթահրթիռային համակարգերն ստանալ երրորդ երկրներից, եւ դա, հավանաբար, կանի Վենեսուելայից:
Այս մասին հայտնել է The Jerusalem Post-ը: Իսրայելցիները նշել են, որ С-300 հակահրթիռային համակարգերի վաճառքի վերաբերյալ Վենեսուելայի եւ Ռուսաստանի միջեւ առաջիկա պայմանագրի ստորագրումը մտահոգում է Իսրայելին, քանի որ Վենեսուելան սերտ կապեր է հասատատել Իրանի հետ եւ այդ համակարգերը կարող է տրամադրել իրանական կողմին:
Այն, որ С-300 համակարգերը կարող են Վենեսուելայից տեղափոխվել Իրան, խոսվում էր դեռ հոկտեմբերի 20-ից, երբ Ուգո Չավեսի` Մոսկվա այցելությունից հետո հայտարարվեց այդ համակարգերի` Վենեսուելային վաճառելու մասին:
Ավելի վաղ եղել են հրապարակումներ` 4 С-300 համակարգերի գնման մասին Բելառուսից, սակայն եւ՛ իրանական, եւ՛ բելառուսական կողմերն այդ հրապարակումներում նշված տեղեկությունները հերքել են:
