Երեկ բողոքի ակցիաների ժամանակ եգիպտական Ալեքսանդրիայում ցուցարարները հրկիզել են Եգիպտոսի Անվտանգության ծառայության շենքը:
Ամեն ինչ սկսել էր շատ խաղաղ, երբ մի քանի տասնյակ հազար մարդ դուրս էր եկել փողոց` պահանջելով աշխատանքից հեռացնել անվտանգության ծառայությունների նախկին բոլոր աշխատակիցներին և ազատ արձակել բոլոր քաղաքական բանտարկյալներին, որոնք ճաղերի հետևում են հայտնվել` փետրվարյան բողոքի ակցիաներին մասնակցելու համար և մինչև հիմա գտնվում են բանտում:
Խաղաղ ցույցերը հետզհետե վերածվել են լուրջ բախման իրավապահների հետ: Ըստ լրատվամիջոցների` բախումները հրահրել են իրավապահները` կիրառելով զենք և արցունքաբեր գազ: Ցուցարարները ներխուժել են ծառայության շենք, հրկիզել շենքի մի քանի հարկերը: Հայտնի է ավելի քան 50 տուժածների մասին: