Թուրքական Haber Türk թերթի փոխանցմամբ` Սիրիային սահմանակից Աքչաքալեի միջադեպից հետո շարունակվում են սրված մնալ Թուրքիայի ու Սիրիայի միջև հարաբերությունները: Այն բանից հետո, ինչ Թուրքիայի խորհրդարանը հոկտեմբերի 4-ին մեկ տարով երկարաձգեց անդրսահմանային օպերացիաներ անցկացնելու թույլտվությունը, թուրքական նավատորմը սկսեց մեծացնել Միջերկրական ծովում իր ներկայությունը:
Խոսքը Գյոլջուք ռազմածովային բազայից դեպի Միջերկրական ծով «պատերազմական բեռով» ֆրեգատների և այլ տիպի ռազմանավերի ուղարկման մասին է:
Բացի այդ` ուղղաթիռների միջոցով ռազմական հանդերձանքով ու նվազագույնը 50 օրվա պարենով են համալրվել Միջերկրական ծովում գտնվող թուրքական ռազմանավերը:
