Грузия Online-ի փոխանցմամբ՝ Միջազգային ճգնաժամային խմբի (ICG)՝ Հարավային Կովկասի գծով փորձագետ Լոուրենս Շիթսն անդրադարձել է հոկտեմբերի 1-ին Վրաստանում անցկացված խորհրդարանական ընտրություններից հետո Մոսկվայի հետ Վրաստանի նոր կառավարության առաջիկա բանակցությունների քննարկման թեմային.
«Մոսկվայի ու Թբիլիսիի միջև բանակցությունների օրակարգում առաջին հերթին լինելու է առևտրի խնդիրը: Չեմ կարծում, թե առաջին հարցը լինելու է Աբխազիայի և Հարավային Օսիայի խնդիրը: Նրանց ճանաչման հարցը մեծապես բարդացնում է իրավիճակը՝ բանակցություններ վարելու համար:
Դրա համար էլ, ամենայն հավանակությամբ, առաջին հարցը կլինի առևտրային արգելքների վերացումը «Բորժոմիի» և վրացական գինիների նկատմամբ: Վրաստանը չի նախաձեռնի ԱՊՀ-ի կազմ վերադառնալու մասին բանակցություններ: Համենայն դեպս, ես չեմ հավատում այդպիսի սցենարին»:
