«Ժառանգության» պատգամավորների և ցուցարարների նկատմամբ կիրառած բռնության միջադեպի լուսաբանումը հանրային հեռուստատեսությամբ մեծ վրդովմունք էր առաջացրել պատգամավորների մեջ։
«Ժառանգություն» խմբակցության պատգամավոր Արմեն Մարտիրոսյանն իր խոսքում նշեց, որ Հ1-ի քաղաքականությունը անթույլատրելի է, և ինքը պահանջում է անկողմնակալ տեղեկատվություն հաղորդել։
Արմեն Մարտիրոսյանին ամենից շատ բարկացրել էր այն, որ Հ1-ի լրատվականը երեկ հաղորդել էր, որ պատգամավորներն ու ցուցարարները թքել են, հայհոյել, ցանկացել են կոտրել լուսացույցները, այրել աղբարկղերը, սակայն Հ1-ը ասվածի մասին ոչ մի կադր ցույց չի տվել։
Իսկ ցույցերի ժամանակ ոստիկանների վայրագությունների պատճառով ոտքի կոտրվածք ստացած 60-ամյա Խանում Ավդալյանին, ինչպես պատմեց ասուլիսին ներկա ցուցարարներից մեկը, ահաբեկել են, և վերջինս հեռուստատեսությմաբ ասել է, թե ինքն է սայթաքել ու ոտքը կոտրել։
Ասուլիսին ներկա ցուցարարի խոսքով, կնոջը ահաբեկել են՝ հիշեցնելով, որ նրա որդին դատված է։