Երիտասարդ ակտիվիստներն այսօր կիսեցին իրենց նորարար տեսակետները մարդու իրավունքների վերաբերյալ «Հայ երիտասարդները հանուն Մարդու իրավունքների» լուսանկարների ցուցահանդեսի ժամանակ: Ցուցահանդեսի նպատակն է բարձրացնել հանրային իրազեկվածությունը մարդու իրավունքների խնդիրների վերաբերյալ և խթանել երիտասարդների ակտիվությունը: Այն բացվեց այսօր ՄԱԿ-ի գրասենյակում:
Ցուցահանդեսի կազմակերպմանն աջակցում է ՄԱԿ-ի Հանրային տեղեկատվության վարչությունը, իսկ այն կազմակերպվում է ՙԻնտեգրում՚ երիտասարդական ՀԿ-ի կողմից իրականացված մարդու իրավունքների ծրագրի շրջանակներում:
Ծրագրի կազմակերպմանն աջակցել են Նիդերլանդների Թագավորության դեսպանատան սոցիալական վերափոխման ծրագիրը և ABA/CEELI Հայաստանը:
Ցուցահանդեսը լրացնում է երկրի ջանքերը, որոնք ուղղված են երիտասարդներին հասարակական կյանք ավելի շատ ներգրավելուն և մարդու իրավունքներին, դրանց խթանմանն ու պաշտպանությանն ուղղված նրանց գիտելիքները հարստացնելուն:
Նկարները արվել են հայ երիտասարդների կողմից, ովքեր փորձել են ցույց տալ մարդու իրավունքների գաղափարն իրենց կյանքի առօրյա անկյուններից: Նկարները պատկերում են Մարդու իրավունքների համընդհանուր հռչակագրի և Հայաստանի Հանրապետության Սահմանադրության հոդվածները:
Մարիա Դոցենկոն, ՄԱԿ-ի Հանրային տեղեկատվության վարչության ներկայացուցիչն ասաց: ՙՄարդու իրավունքների կարևորությունն ավելի ու ավելի շատ է ընդգծվում վերջին տարիներին: Ամբողջ աշխարհում մարդիկ պահանջում են արդարություն, արժանապատվություն, հավասարություն, մասնակցություն` Համընդհանուր հռչակագրում ամրագրված իրավունքները: ՄԱԿ-ի Հանրային տեղեկատվության վարչությունն աջակցում է կառավարության և քաղաքացիական հասարակության ջանքերը` ուղղված մարդու իրավունքների վերաբերյալ հանրության ըմբռնման ու հարգանքի խթանմանը:՚
Ռուզաննա Նահապետյանը, ՙԻնտեգրում՚ երիտասարդական ՀԿ-ի ծրագրերի ղեկավարը հանրությանը ներկայացրեց իրականացրած ծրագիրն ու արդյունքները: Նա նաև շնորհակալություն հայտնեց ծրագրի մասնակիցներին և գործընկեր կազմակերպություններին, ինչպես նաև հանդիսատեսին: Նա հույս հայտնեց, որ ցուցահանդեսը մարդկանց համար կլինի մարդու իրավունքների պաշտպանության և խթանման կարևորության յուրատեսակ հիշեցում:
Ցուցահանդեսը հանրության համար բաց կլինի մինչև 2012թ. փետրվարի 24-ը, երկուշաբթիից ուրբաթ օրերին 15:00-17:00:
ՄԱԿ Հայաստանյան գրասենյակի հանրային տեղեկատվության վարչություն
