Грузия Online-ի փոխանցմամբ՝ Վրաստանի նոր խորհրդարանի առաջին նիստը գումարվելու է մինչև հոկտեմբերի 20-ը: Հոկտեմբերի 1-ին տեղի ունեցած խորհրդարանական ընտրությունների վերջնական արդյունքների հրապարակումից հետո այդ նիստը նշանակելու է նախագահ Միխեիլ Սաակաշվիլին:
Վրաստանի Սահմանադրության համաձայն, նոր խորհրդարանի առաջին նիստը պետք է անցկացվի ընտրություններին հաջորդող 20 օրերի ընթացքում: Նոր խորհրդարանը ձեռնամուխ կլինի իր աշխատանքների կատարմանը, եթե հաստատվեն պատգամավորների նվազագույնը 2/3-ի լիազորությունները:
Մինչև նոր խորհրդարանի առաջին նիստի անցկացումը նորընտիր պատգամավորները պետք է հանձնեն նարկոլոգիական թեստ: Խորհրդարանի անդամն իրավունք չունի որևէ պաշտոն ունենալ պետական ծառայությունում կամ զբաղվել ձեռնարկատիրական գործունեությամբ:
Վրաստանում պատգամավորներն ընտրվում են 4 տարով:
