Այսօր Ղրղըզստանի մայրաքաղաքում մեկնարկել է խոսքի ազատության պաշտպանության նպատակով լրագրողների ակցիան՝ «Խորհրդարանին ատամներ ցույց կտանք» խորագրով: Ակցիային մասնակցել են երկրի գրեթե բոլոր խոշորագույն ԶԼՄ-ների ներկայացուցիչները:
Նման ակցիայի անցկացման պատճառը խորհրդարանի նիստերի դահլիճից Բիշքեկի հեռուստաալիքներից մեկի լրագրողի հեռացումն է: Այս մասին հայտնում է Rosbalt.ru-ն:
Ակցիայից հետո նախագահին, խորհրդարանի խոսնակին և վարչապետին հղված ուղերձում ասվում է. «Վերջին շրջանում խորհրդարանականներին հաջողվում է հասնել լրագրողների մասնագիտական գործունեության ավելի հաճախակի ու աղմկալի արգելափակման: Խորհրդարանականները օրենսդիր գործունեության փոխարեն, իրենց վրա են վերցրել գրաքննիչի գործառույթը՝ խաթարելով ինֆորմացիայի հասանելիության քաղաքացիների սահմանադրական իրավունքը»: