Yandex ընկերությունը Մոսկվայում հոկտեմբերի 1-ին բացված YaC տեխնոլոգիական կոնֆերանսին ներկայացրել է սեփական բրաուզերը: Այս մասին հայտնում է Lenta.ru-ն:
Ընկերության դիզայներ Կոնստանտին Գորսկու խոսքով՝ բրաուզերն ունի «շուկայում ամենամինիմալիստական ինտերֆեյսը»: Բրաուզերի վերին հատվածում գտնվում է որոնողական տողը, որը հարցումը մուտքագրելիս դեղնում է: Վերևում են գտնվում նաև tab bar-ը, Yandex և Back կոճակները: Ղեկավարման հավելյալ տարրերը բացակայում են:
Բրաուզերում գործարկված է WebKit վեբշարժիչը, որը կիրառում են նաև Chrome-ն ու Safari-ն: Այն սեղմում է «թրաֆիքը»՝ օգտատիրոջը թույլ տալով տնտեսել ինտերնետի ծախսերը:
Բրաուզերն ունի ֆայլերի դիտման PDF ծառայություն և Adobe Flash Player նվագարկիչ, «ամպային» պահեստ և այլն:
Բրաուզերի առաջին տարբերակը (ինչպես Windows-ի, այնպես էլ Mac OS X օպերացիոն համակարգի համար) հնարավոր է ներբեռնել հենց այսօրվանից http://browser.yandex.ru/?all հասցեից: Ընկերության գլխավոր տնօրեն Անկարդի Վոլոժը խոստացել է, որ նոր տարբերակները կթողարկվեն մի քանի շաբաթը մեկ:
