Մալիի վարչապետ Մոդիբո Դիարան Արևմուտքին խնդրում է աջակցել երկրի հյուսիսն իսլամիստներից մաքրելու գործողությանը:
«Երբ միջազգային հանրությունը համոզվի գործելու անհրաժեշտության մեջ, Ֆրանսիան պետք է առաջին քայլն անի: Այն օրը, երբ գործողության մեջ կներգրավվեն միջազգային ուժերը հնարավոր կլինի կիրառել ֆրանսիական «Միրաժ» կործանիչները: Մեր զինվորականներին կարող են միանալ նաև ֆրանսիական հատուկ ստորաբաժանումների զինյալները, եթե դա ցանկանա Ֆրանսիան»,- հայտարարել է նա Le Mond ամսագրին տված հարցազրույցում:
Դիարայի խոսքերով` միջազգային հանրությունը, մասնավորապես` ԱՄՆ-ը, Մեծ Բրիտանիան, Ֆրանսիան, պետք է նախապատրաստեն իրենց հատուկ ստորաբաժանումները` գործողությունը մաքուր և արագ իրականացնելու համար:
Հիշեցնենք, որ 2012թ. մարտին Մալիի հյուսիսն անցավ ապստամբների վերահսկողության տակ, երկրկի մայրաքաղաք Բամակոյում տեղի ունեցավ հեղաշրջում: Զինվորականները իշխանության զավթումը մեկնաբանեցին այն հանագամքով, որ պետության ղեկավարն ի վիճակի չէր ճնշել տուարեգների ապստամբությունը: Մարտի 27-ին զինվորականներն ընդունեցին նոր սահմանադրություն: Ապրիլի 17-ին Մալիի ժամանակավոր վարչապետ նշանակվեց Մոբիդո Դիարան:
Արևմտյան Աֆրիկայի երկրների տնտեսական ընկերակցությունը (ԷԿՕՎԱՍ) մտադիր է Մալիի նոր կառավարությանը ռազմական օգնություն տրամադրել երկիրը միավորելու նպատակով:
