Մարտի 2-ին՝ ժամը 21.10-ին, ոստիկանության Կենտրոնականի բաժնում ահազանգ է ստացվել, որ Օղակաձև զբոսայգում` Կամերային երաժշտության տան հարևանությամբ, դանակահարություն է տեղի ունեցել:
Դեպքի վայր մեկնած օպերատիվ խումբը պարզել է, որ որովայնի և կրծքավանդակի մասերում ստացած կտրած-ծակած վնասվածքներց մահացել է 41-ամյա Արթուր Նազարյանը:
Նույն վայրից, մարմնի ծակած-կտրած թափանցող վնասվածքով, հիվանդանոց է տեղափոխվել 44-ամյա Վասիլի Ա.-ն, որն ի վիճակի չի եղել հաղորդում տալու:
Դեպքի վայրից ոստիկանները բերման են ենթարկել վիճաբանության մասնակից, 43-ամյա Վարդան Բ.-ին: Նրա ձեռքին առկա է եղել կտրած-ծակած վնասվածք:
Մարտի 3-ին՝ ժամը 01.50-ին, ոստիկանության ծառայողների ձեռնարկած օպերատիվ-հետախուզական միջոցառումների շնորհիվ, նշված հանցագործությունը կատարելու համար Սարկավագի փողոցի թիվ 78/ա շենքի մոտից բերման է ենթարկվել 50-ամյա Արմեն Ս.-ն:
Հանցագործության գործիք դանակը առգրավված է:
Ա. Սիմոնյանը ձերբակալված է:
Կատարվում է նախաքննություն:
