Երեկ գերմանական Ֆրանկֆուրտ քաղաքում տեղի ունեցած ահաբեկչության հետևանքով զոհվել է ԱՄն երկու քաղաքացի, ևս 2-ը վիրավորվել են: Ամերիկացի զինվորականները մեկնում էին Աֆղանստան և Իրաք: Նրանց մոտեցած մի մարդ, որը հետագայում պարզվել է, որ ազգությամբ ալբանացի է, կրակ է բացել զինվորականների ավտոբուսի ուղղությամբ` սպանելով 2-ին, այդ թվում` վարորդին, ինչպես նաև վիրավորելով ավտոբուսի մեջ գտնվող ևս երկու զինվորականի:
ԱՄն նախագահ բարաք Օբաման երեկ հանդես է եկել հայտարարությամբ, որում ցավակցություններ է հայտնել զոհվածների ընտանիքներին: Այս դեպքի կապացությամբ ափսոսանքի խոսքեր է ասել նաև Գերմանիայի կանցլեր Անգելա Մերկելը:
Ահաբեկչությունը կատարելուց հետո կրակողը փորձել է փախչել, սակայն մի քանի րոպե անց ձերբակալվել է գերմանացի ոստիկանների կողմից: Ինչպես հետագայում պարզվել է, կրակողը ազգությամբ ալբանացի Արիֆ Ուկան է:
Գերմանական Bild պարբերականն այսօր գրել է, որ հնարավոր է, որ Ուկանը կապված լինի իսլամիստական կազմակերպությունների հետ, քանի որ Facebook-ի նրա անձնական էջում հղումներ կան մի շարք իսլամիստական կազմակերպությունների կայքերի վրա:
