1924թ. այս օրը Իտալիայի Ֆոնտանա Լիրի քաղաքում ծնվեց իտալացի աշխարհահռչակ դերասան Մարչելլո Մաստրոյանին (իտալերեն՝ Marcello Vincenzo Domenico Mastroianni):
Նրա սիրողական ունակությունները նկատել է ռեժիսոր Լուկինո Վիսկոնտին ու հրավիրել է իր դրամատիկական խումբը: Կինոյում Մաստրոյանին խաղացել է դեռ պատանի հասակից՝ խաղալով «Խամաճիկը» ֆիլմում էպիզոդիկ դերում: Նա իսկական դերասան դարձավ «օգոստոսյան կիրակի» , «Փարիզը միշտ Փարիզ է» ֆիլմում խաղացած դերից հետո: Հիմնականում դրանք կատակերգություններ էին: Մի քանի դեր խաղալով ռեժիսորներ Վիսկոնտիի ու Մոնիչելլի մոտ, տաղանդաշատ դերասանը մեծ տպավորություն է գործում Ֆեդերիկո Ֆելլինիի վրա, որը նրան հրավիրում է խաղալ «Քաղցր կյանք» (1960) ֆիլմում: Ֆելլինիի հանճարեղ «8/5» ֆիլմից հետո պրոդյուսեր Կառլո Պոնտին նրան հրավիրում է խաղալ Սոֆի Լորենի հետ:
Ռեժիսոր Վիտորիո դե Սիկայի ղեկավարությամբ զույգը միասին խաղացել է այնպիսի հայտնի ֆիլմերում, ինչպիսիք են «Ամուսնություն իտալական ձևով», «Երեկ, այսօր, վաղը» ֆիլմերում: Հենց այսպես ստեղծվեց համաշխարհային կինոյի ամենահայտնի դուետներից մեկը:
Ամենահաճախը նա հանդես էր գալիս Ֆելլինիի ու Վիտորիո դե Սիկայի ֆիլմերում, ամեն տարի նրա մասնակցությամբ մի քանի ֆիլմ էր արտադրվում:
Նա մի շարք հեղինակավոր միջազգային կինոփառատոների մրցանակակիր է, արժանացել է «Օսկարի» ու «Սեզարի»:
Մահացել է 1996թ. դեկտեմբերի 19-ին Փարիզում: Նրա մահվան մահճի մոտ եղել է դերասանի կինն ու նրա դստեր մայրը՝ Կատրին Դենյովը:
