Անգլիական «Տոտենհեմ»-ի գլխավոր մարզիչ Անդրե Վիլաշ-Բոաշը չի պատրաստվում պաշտպանվողական ֆուտբոլ ցուցադրել մրցակցի հարկի տակ:
Ինչպես նախորդ տուրում, այնպես էլ այս տուրում, Անգլիայի Պրեմիեր լիգայի շրջանակներում տեղի են ունենալու երկու գերխաղեր. «Արսենալ» – «Չելսի», «Մանչեսթեր Յունայթեդ» – «Տոտենհեմ»: Երկրորդ հանդիպման վերաբերյալ իր մեկնաբանությունն է տվել «Տոտենհեմ»-ի գլխավոր մարզիչ Անդրե Վիլաշ-Բոաշը:
«Ուզում եմ տեսնել իմ թիմին հարձակվելիս: Մենք հենց այդպես էլ խաղալու ենք: Գիտակցում ենք, որ նման մրցակցի դեմ դժվար է այդպես խաղալ, բայց, ամեն դեպքում, մենք հնարավորություն ունենք:
Բացի այդ՝ պետք է հասնենք մեր հակառակորդներին, հետևաբար ցանկանում ենք, որ «Արսենալ» – «Չելսի» խաղը ևս մեզ հարմար հաշվով ավարտվի»,- ասել է Վիլաշ-Բոաշը:
