Վրացական ուղղափառ եկեղեցու առաջնորդ, Ամենայն վրաց առաջնորդ Կաթողիկոս Իլյա 2-րդը հայտարարել է, որ որոշում է կայացրել առաջին անգամ Վրաստանի մայրաքաղաքը սեպտեմբերի 27-ին օծելու իր որոշման մասին: Որոշումը կապված է երկրում տիրող նախընտրական կրքերի թեժացման և իրավիճակի բարդ լինելու հետ:
«Մայրքաղաքի օծումը նվիրված է Աստծո Կենարար և Մաքուր խաչի բարձրացման տոնին, և այն Վրաստանում տեղի կունենա առաջին անգամ»,- ասվում է Պատրիարքության հաղորդագրության մեջ:
Վրաստանում խորհրդարանական ընտրությունները տեղի են ունենալու հոկտեմբերի 1-ին:
Հոգևոր հայրերի գլխավորած արարողությունը, որոնք աղթոք կարդալով փողոցներն օծելու են սուրբ ջրով, հինգշաբթի օրը միաժամանակ դուրս են գալու մայրաքաղաքի հինգ կենտրոններից: Հավաքի սկիզբը նախատեսված է 14.00-ին: Այնուհետև ժամը 16.00-ին հավատացյալները հավաքվելու են Հերոսների հրապարակում, որտեղից միավորված ամբոխը շարժվելու է Մետեխի կամրջի ուղղությամբ, որտեղ էլ նրանց միանալու են Սամգորի շրջանից եկող հավատացյալները: Մետեխի կամրջի մոտ ժամը 18.00-ին տեղի է ունենալու պաշտոնական արարողությունը:
