Հոնկոնգի հարուստ բնակիչներից մեկը`Սեսիլ Չաո Շեցզյունը պատկառելի պարգևատրում է խոստացել ցանկցած տղամարդու, ով կկարողանա գրավել իր լեսբուհի դստերը սիրտը: Իր երեխային “ճիշտ ուղու” վրա կանգնեցնելու համար գործարարը պատրաստ է տրամադրել 65 միլիոն դոլար, հաղորդում է South China Morning Post-ը:
76-ամյա միլիոնատիրոջ խոսքերով՝ նրա համար կարևոր չէ՝ արդյոք իր դստեր ընտրյալը հարուստ կլինի, թե աղքատ, կարևորը որ նա առատաձեռն լինի և բարի սիրտ ունենա:
Հարկ է նշել, որ հարուստ մարդը նման քայլի է դիմել այն բանից հետո, երբ իմացել է, որ իր 33-ամյա դուստրը Փարիզում ամուսնացել է իր ընկերուհու հետ, ընդ որում՝ Հոնկոնգում միասեռական ամուսնությունները չեն ընդունվում:
Մագնատը վստահ է, որ գումարային պարգևը լավ շարժառիթ կլինի նրա համար, ով հնարավորություններ ունի, սակայն չունի միջոցներ`սեփական բիզնեսը սկսելու:
Ընդ որում՝ Սեսիլ Չաո Շենցզյունին, չնայած իր պատկառելի տարիքին, ընտանեկան ավանդական արժեքների պահապան անվանել չի կարելի: Նա հասարակության մեջ հաճախ հայտվում է իր վերջին երիտասարդ ընկերուհու հետ: Մի անգամ էլ պատահաբար նշել է, որ իր անկողնու միջով անցել է 10 հազար կին, գրում է The Herald Sun-ը:
