Փոփ-երգչուհի Քեթի Փերրին Billboard ամսագրի կողմից արժանացել է 2012թ. «Տարվա կին» մրցանակին: Մրցանակի հանձնման պաշտոնական արարողությունը տեղի կունենա Նյու Յորքում նոյեմբերի 30-ին:
Հայտարարելով երգչուհուն մրցանակ շնորհելու մասին՝ հրատարակության խմբագրական տնօրեն Բիլ Վերդը նկատել է, որ Փերրին շոու բիզնեսում հայտնվել է 5 տարի առաջ ու այդ ընթացքում ավելի շատ բանի է հասել, քան շատ արտիստներ իրենց ողջ կարիերայի ընթացքում:
Փերիի վերջին՝ Teenage Dream ալբոմը լույս է ընծայվել 2010թ. օգոստոսին, ձայնասկավառակը կարողացել է հասնել Billboard-ի հիթ-շքերթի գագաթին ու այնտեղ անցկացնել ավելի քան 100 շաբաթ:
Երգչուհու միանգամից 5 երգ գրավեց ԱՄՆ-ում սինգլների չարտերի վերևի հորիզոնականը, ինչը ռեկորդային է կին կատարողի համար: Նրա կոմպոզիցիաները պարբերաբար հայտնվում են Billboard-ի լավագույն երգերի վարկանիշային աղյուսակում:
Նախորդ տարիներին Billboard-ը «Տարվա կին» է ճանաչել Բեյոնսեին, Թեյլոր Սվիֆթին, Ֆերջիին:
