Այսօր ԱԺ-ն շարունակեց երկրորդ ընթերցմամբ քննարկել «Փախստականների և ժամանակավոր ապաստարանի մասին» օրենքում փոփոխություններ և լրացումներ կատարելու նախագիծը: Հիշեցնենք, որ նախկինում կիրառության մեջ գտնվող երկու փաստաթղթերը`ճամփորդական և ներքին օգտագործման, փոխարինվելու են մեկով, և փախստականները մտավախություն ունեն, որ դրանից հետո իրենց դիտելու են ոչ թե որպես փախստական,այլ որպես ՀՀ սովորական քաղաքացիներ, ինչի արդյունքում իրենք կզրկվեն իրենց պահանջատիրության հնարավորությունից:
Բնապահպանության նախարար Արամ Հարութունյանը Ազգային ժողովին ներկայացրեց «Բնապահպանության ոլորտում տնտեսվարողների ինքնավերահսկման մասին» օրենքի նախագիծը, որը, ըստ նրա, շատ լավ մոդել է և դեռ չի ներդրվել Հայաստանում: Ինքնավերահսկումը կատարվելու է օնլայն, ավտոմատ ռեժիմով, ինչի արդյունքում բնապահպանության նախարարության գործունեությունը թափանցիկ կլինի բոլորի համար:
