Աֆղանստանի Հելմանդ մարզում ոստիկանության շտաբ է ներկայացրել 12-ամյա մի երեխա՝ հայտնելով, որ իրեն փորձել են օգտագործել որպես մահապարտ:
Ինչպես հաղորդում է Rosbalt գործակալությունը, երեխայի խոսքերով՝ ինքը ապրում է Քաջակի շրջանում, իսկ իր ընտանիքը զոհվել է ՆԱՏՕ-ի օդային հարվածի հետևանքով: Դրանից հետո «Թալիբան»-ի զինյալները նրան տեղափոխել են Նավա շրջան և փորձել են համոզել երեխային վրեժ լուծել՝ կոալիցիոն ուժերի դեմ հարձակումներ գործելով:
Ոստիկանության տվյալներով՝ երեք ամիս երեխան գտնվել է զինյալների ձեռքում, որոնք պատրաստվում էին հարձակումներ իրականացնել: Ի վերջո, երեխային հաջողվել է փախչել և հանձնվել ոստիկանությանը:
