«2012 թվականի բյուջեով ամրագրված է 3.7 միլիարդ դրամ պետության կողմից դեղամիջոցների ձեռք բերման համար: Դա բավականին պատկառելի թիվ է: ՀՀ առողջապահության բյուջեի մոտ 6 տոկոսն է կազմում, որն անարդյունավետ է օգտագործվում և չի բերում 3.7 միլիարդով դեղային շուկայի վրա ազդելու հնարավորություն: Բացի այն, որ գնումների գործընթացներում խախտումներ և կոռուպցիա կան, պետությունը, փաստորեն, խաղացող չի հանդիսանում և չի կարողանում ազդել գնագոյացման վրա` հօգուտ իր քաղաքացու»,- «Առավոտի» հետ զրույցում իր դիտարկումները ներկայացրեց ՀՀ առողջապահության նախկին նախարար Արարատ Մկրտչյանը:
Նախկին նախարարը թերթին է ներկայացրել դեղորայքի գնումները կարգավորելու երեք առաջարկ:
