Նորվեգացի 29-ամյա Ջանեթ Օքսնեսի ընտանիքը վերջին 6 տարում երեք անգամ լոտոյով շահել է: Ինչպես փոխանցում է Reuters-ը` ամեն անգամ, երբ կինը երեխա է լույս աշխարհ բերում, երջանիկ ընտանիքը դառնում է ավելի հարուստ:
Ջանեթը բենզալցակայանում հոթ-դոգ է պատրաստում: «Սա պարզապես խենթություն է… մենք այնքան հաճախ ենք լոտո խաղում»,- ասել է Օքսնեսը, որի ընտանիքը մի քանի օր առաջ 12,2 մլն կրոն (2,1 մլն դոլար) է շահել:
Օքսնեսի հարազատներն առաջին անգամ շահել են 2006-ին, երբ նա ծննդաբերել է առաջին երեխային: Նրա հայրը 4,2 մլն կրոն է շահել:
2009-ին ինքը` Օքսնեսը, շահել է 8,2 մլն կրոն:
2012-ին բախտը ժպտացել է Օքսնեսի 18-ամյա եղբորը, ով շահել է անցյալ հանգստյան օրերին:
