Իսպանական «Ռեալ»-ի գլխավոր մարզիչ Ժոզե Մոուրինյոն հայտարարել է, որ ինքը պատրաստվում է Ալեքս Ֆերգյուսոնի ճանապարհով գնալ, այսինքն՝ զբաղվել մարզչական գործունեությամբ մինչև 70 տարեկան դառնալը:
«Շատ լավ եմ հասկանում, թե ինչու է Ալեքս Ֆերգյուսոնն աշխատում: Ես էլ եմ պատրաստվում աշխատել մինչև 70 տարեկան հասակս: Պարզապես շատ եմ սիրում ֆուտբոլը, հատկապես մարզչական աշխատանքը: Հունվարին կբոլորեմ 50 տարին: Սակայն նույնիսկ այս տարիքում ես ինձ երիտասարդ եմ զգում: Գիտեմ, որ կես դարը հաճախ վախեցնում է մարդկանց: Նրանք կարծում են, թե այս տարիքում երկիրը սկսում է ավելի արագ պտտվել, կյանքն սկսում է ավելի արագ ընթանալ: Սակայն ես նրանցից չեմ. իմ տեսակետներն այլ են»,- ասել է պորտուգալացին:
