Microsoft ընկերությունը ընդունել է, որ օգտվում է ամերիկյան հարկային օրենսդրության որոշ սողանցքներից հարկերի հաշվին տնտեսելու համար: Այդ մասին հայտարարել է «Microsoft»-ի փոխնախագահը` Սենատում միջազգային հարկային վճարումների մասին լսումների ժամանակ: Լսումը նվիրված էր այն հաշվետվությանը, որից եզրակացվում էր, որ վերջին երեք տարիներին «Microsoft»-ը ակտիվորեն կիրառել է օրենսդրության նրբությունները` միլիարդավոր դոլարներ տնտեսելու համար:
Հաշվետվության հեղինակի ներկայացմամբ Պուերտո-Ռիկոյում, Իռլանդիայում, Սինգապուրում և Բերմունդյան կղզիներում տեղակայված դուստր ձեռնարկությունների միջոցով ընկերությունը իրականացրել է ակցիաներ, որոնք ընդհանուր առմամբ օգնել են նրան խնայել 6,5 մլրդ դոլար:
Սենատի հանձնախմբի ղեկավարը, նշելով այս ամենի մասին, հետախուզություն սկսելու առաջարկ չի ներկայացրել և սահմանափակվել է միայն նշելով, որ այդ գործարքների արդյունքում, չնայած ընկերությունը եկամուտ է ունենում, բայց տուժում է ԱՄՆ պետությունը: Իսկ ծրագրային միջազգային հսկան այլ նմանատիպ ընկերությունների հետ միասին երկար ժամանակ էր, որ բողոքում էր տեխնոլոգիական ընկերությունների համար նախատեսած բարձր հարկերից, որոնցից խուսափելու պատճառով էլ նա դիմել է այդ քայլին: