ՄԱԿ-ի գլխավոր քարտուղար Պան Գի Մունը կիրակի Նյու Յորքում հանդիպել է Իրանի նախագահ Մահմուդ Ահմադինեժադի հետ և նրան կոչ արել իրանական միջուկային ծրագրի հանդեպ վստահություն ստեղծել: Այս մասին հաղորդում է РИА Новости- ն` հղում անելով կազմակերպության մամլո-ծառայությանը:
«Գլխավոր քարտուղարը կոչ է արել Իրանին անհրաժեշտ միջոցառումներ ձեռնարկել` հավաստիացնելու միջազգային հանրությանը, որ միջուկային ծրագիրը բացառապես խաղաղ բնույթ է կրում»,-ասված է հաղորդագրությունում:
Ահմադինեժադը ավելի քան 120 երկրների ղեկավարների և վարչապետերի հետ մասնակցում է Գլխավոր Ասամբլեայի 67-րդ նստաշրջանի շրջանակում անցկացվող մեկշաբաթյա բարձր մակարդակով միջոցառումներին: