Այսօր՝ սեպտեմբերի 23-ին, ավտովթար է տեղի ունեցել Արագածոտնի մարզում: Ժամը 21:00-ի սահմաններում Ախալքալակի բնակիչ, 25-ամյա Մասիս Հովհաննիսյանը վարելով «Օպել Վեկտրա» մակնիշի 33 ՍՏ 507 համարանիշի ավտոմեքենան, Երևան-Գյումրի ավտոճանապարհի 23 կմ-ին՝ դեպի Երևան ընթանալիս, դուրս է եկել ճանապարհի երթևեկելի գոտուց և մոտ 5 մետր գլորվել ձորը:
Ֆոտոլրագրող Գագիկ Շամշյանը shamshyan.com-ին հայտնել է,որ վթարի հետևանքով ավտոմեքենայում գտնվող 10-ամյա Նազենի Սիրականյանը և 8-ամյա Կարուշ Սիրականյանը մարմնական վնասվածքներով տեղափոխվել են Թալինի բժշկական կենտրոն:
Գ. Շամշյանին հայտնել են, որ Կ. Սիրականյանի վիճակը միջին ծանրության է, և գտնվում է վերակենդանացման բաժանմունքում: Գ. Շամշյանը հայտնում է նաև, որ վարորդն ու ուղևորները փաստացի բնակվում են Արագածոտնի մարզի Նոր Եդեսիա գյուղում:
Դեպքի վայր են ժամանել Ճանապարհային ոստիկանության 2-րդ սպայական գումարտակի 22-րդ վաշտի աշխատակիցները՝ վաշտի հրամանատարի տեղակալ Սուքիաս Գրիգորյանի գլխավորությամբ:
Փաստի առթիվ ոստիկանության քննչական գլխավոր վարչության Արագածոտնի մարզի քննչական բաժնի Թալինի քննչական բաժանմունքում նյութեր են նախապատրաստվում:
