Խորվաթիայի նախագահ Իվո Իոսիպովիչը Զագրեբում Սերբական ուղղափառ գիմնազիա կատարած այցի ժամանակ մնացել է վերելակում:
Պատահարը տեղի է ունեցել այն ժամանակ, երբ նախագահն ուղևորվել է սրահ, որտեղ պետք է տեղի ունենար նրա հանդիպումը ուսանողների և դասավանդողների հետ:
Ինչպես գրում են ԶԼՄ-ները, նախագահը վերելակի մեջ է մնացել մոտ կես ժամ, որից հետո ժամանել են վթարային ծառայության աշխատակիցները և ազատել նրան:
Պատահարի պատճառով միջոցառման սկիզբը հետաձգվել է, իսկ Սերբիայի միտրոպոլիտ Իովանը ողջույնի խոսքի ժամանակ ափսոսանք է հայտնել, որ տեխնիկան թույլ չի տվել հանդիպումը սկսել նախատեսված ժամին:
