Apple-ի նոր՝ iPhone 5 սմարթֆոնի որոշ տերեր, որի վաճառքը սկսվեց ուրբաթ օրը, բողոքում են սարքի դիսփլեյի խնդիրներից, հայտնում է TechCrunch կայքը:
Կայքի հաղորդմամբ` iPhone 5-ի մի քանի տերեր բախվել են դիսփլեյի առկայծելու խնդրին, ինչը սմարթֆոնի օգտագործումը դարձնում է գործնականում անհնար: Օգտվողները բողոքում են նաև, այսպես կոչված, «պղպջակների ազդեցությունից», ինչի հետևանքով դիսփլեյի վրա սեղմելու արդյունքում պատկերն աղավաղվում է:
iPhone 5-ում օգտագործված է նոր տեսակի դիսփլեյ, որը թույլ է տալիս սմարթֆոնի նախորդ տարբերակի համեմատ մոտ մեկ երրորդով փոքրացնել էկրանի հաստությունը: