Ստամբուլի դատարանը ուրբաթ օրը դատավճիռ է կայացրել Թուրքիայում աղմուկ հանած գործի առնչությամբ`2003 թվականին հեղաշրջում պատրաստելու մասին (այսպես կոչված՝ «Կուվալդի նախագիծ»), որը նպատակ ուներ տապալել Թաիփ էրդողանի կառավարությունը, դատարանի դահլիճից հաղորդում են տեղի ԶԼՄ-ները:
Համաձայն դատավճռի՝ գործով անցնող հիմնական անձինք`առաջին դաշտային բանակի նախկին հրամանատար, գեներալ Չետին Դոգանը, Թուրքայի ռազմածովային ուժերի նախկին հրամանատար, ծովակալ Օզդեն Օրնեկը և ռազմաօդային ուժերի նախկին գլխավոր հրամանատար, գեներալ Իբրահիմ Ֆիրտինան`դատապարտվել են ցմահ ազատազրկման:
Ընդհանուր առմամբ, ամբաստանյալների աթոռին եղել է 365 մարդ, որոնցից 250-ը ձերբակալված էին: Նրանք մեղադրվում էին «կառավարությանը իշխանությունից հեռացնելու փորձի» և «հեղաշրջում» նախապատրաստելու մեջ:
«Կուվալդի ծրագիրը» գործով դատավարությունը Ստամբուլի դատախազությունը սկսել էր 2010 թվականի հունվարին՝ Taraf թերթում մի շարք սկանդալային հոդվածներ հրապարակելուց հետո:
Նրանցում նշվում էր, որ Թուրքիայի բանակը, որը 1960 թվականին երեք անգամ հեղաշրջում է իրականացրել, մշակել է Ստամբուլի մզկիթներում պայթյուններ իրականացնել և արտակարգ իրավիճակ ստեղծել: Սակայն զինվորականները նշում են, որ այն ծրագիրը, որի մասին խոսք է գնում, սեմինարներից մեկի ժամանակ ռազմական խաղի սցենար է և որևէ կապ չունի իրականության հետ:
Թուրքական ընդդիմությունը բազմիցս իշխանություններին մեղադրել է «վհուկների դեմ որսի մեջ», սակայն վարչապետ Էրդողանը այդ մեղադրանքները հերքել է:
Ստամբուլի դատարանի որոշումը հեղաշրջում կազմակերպելու գործով վերջնական չէ, այն դեռ պետք է հաստատի նաև Թուրքիայի գերագույն վերաքննիչ դատարանը:
Հանդես գալով խոսքի վերջին իրավունքով՝ թուրք զինվորականների մեծ մասը հույս են հայտնել, որ սկանդալային գործով դատավճիռը չեղյալ կհայտարարվի: Նրանք նաև գործընթացը անվանել են քաղաքական, որոնք խախտում են համընդհանուր նորմերը և հայտարարել են, որ դատարանի կայացնելիք որոշումը ի սկզբանե հայտնի էր:
