Թունիսի ներքին գործերի նախարարությունն արգելել է ուրբաթ օրերին բողոքի զանգվածային ցույցերի անցկացումը, որոնք կապված են ֆրանսիական Charlie Hebdo թերթում Մուհամմեդ մարգարեի ծաղրանկարների հրատարակման հետ, հաղորդում է Франс Пресс գործակալությունը:
«Նախարարությունը, հիմնվելով արտակարգ իրավիճակի ռեժիմին և հասարակության անվտանգության ապահովման նպատակով, հայտարարում է, որ Թունիսի տարածքում սեպտեմբերի 21-ին, ուրբաթ օրը, ցանկացած տիպի ցույց կարգելվի,- ասվում է նախարարության հայտարարության մեջ:
Մուսուլմանական երկրներում զանգվածային անհանգստություններ հաճախ են առաջանում ուրբաթ օրերին, մեծ աղոթքից հետո:
Թունիսի ՆԳՆ-ն նշում է, որ, իր ունեցած տեղեկություններով, որոշ տարրեր պլանավորել էին այդ օրը բռնություն և թալան գործարկել:
Նախորդ օրը Ֆրանսիայի ԱԳՆ-ն հայտարարել է, որ ուրբաթ օրը անվտանգության նկատառումներով աշխարհի 20 երկրներում կփակվեն ֆրանսիական դեսպանատներն ու դպրոցները:
Մուհամմեդ մարգարեի ծաղրանկարները հայտնվել էին Charlie Hebdo օրաթերթում չորեքշաբթի օրը:
Հրատարակությունը ոչ միայն առաջացրեց զանգվածային դժգոհություններ, այլև թերթին հաջողություն բերեց. Կես օրում վաճառվել էր թերթի հինգ հազար օրինակ: Շատերը գնել էին հենց մուսուլմանները, որպեսզի պատռեն և դեն նետեն:
