Այսուհետ Եգիպտոսի նախագահը միայն երկու անգամ վերընտրվելու իրավունք կունենա: Նախկինում, ըստ Եգիպտոսի Սահմանադրության, նախագահի վերընտրման համար սահմանափակում չկար: Հեղափոխությունից հետո Եգիպտոսում կատարված կարևոր փոփոխություններից մեկը Եգիպտոսի արտակարգ և լիազոր դեսպան Վալիդ Գալալին սա է համարում: Լրագրողների հետ հանդիպման ժամանակ դեսպանը նշեց նաև հեղափոխությունից հետո երկրում կատարված մյուս դրական քայլերը:
Երկրորդ կարևոր առաջընթացը, ըստ նրա, պառլամենտի լուծարումն էր. «Կարևոր և անհրաժեշտ քայլ էր նաև պառլամենտի լուծարումը, քանի որ կասկած կար, որ պառլամենտի անդամները թափանցիկ չեն ընտրվել»,- ասաց դեսպանը: Եվ որպես երրորդ նշանակալից իրողություն` Վահիդ Գալալին մատնանշեց կոռուպցիայի բացահայտումը. պետական միջոցները վատնելու համար Եգիպտոսում կալանավորվել են նախարարներ:
