Կիրակի անհայտ անձինք հարձակում են գործել Լիբիայի Տրիպոլի քաղաքում հունական ուղղափառ Սուրբ Գևորգ եկեղեցու վրա, տուժածներ չկան: Այս մասին հաղորդում է անգլիալեզու Libya Herald ռեսուրսը՝ վկայակոչելով եկեղեցու ներկայացուցիչներին:
Հաղորդվում է, որ 4 երիտասարդներ անցել են եկեղեցին շրջապատող պատի վրայով, ջարդել բակում գտնվող 3 սրբապատկեր, այրել հունական և կիպրոսյան դրոշները: Նրանք նաև փորձել են այրել սրբապատկերների փայտե շրջանակները, սակայն դրանք չեն այրվել: Տեղի քահանան, որն ապրում է եկեղեցու հարևանությամբ, վախեցրել է հարձակվողներին, և նրանք թաքնվել են:
RIA Novosti-ն հայտնում է, որ սա Տրիպոլիում ապրող ոչ մեծ հունական համայնքի եկեղեցու վրա արդեն երկրորդ հարձակումն է: Ընթացիկ տարվա մայիսի 7-ին անհայտ անձը հրազենից կրակ էր բացել եկեղեցու դուռը բացող քահանայի վրա, սակայն վրիպել էր:
Թե ով է կանգնած հարձակման ետևում՝ առայժմ հայտնի չէ:
